Tumhara Naam….

Kuch Baatein Adhoori,,,
Thodi Thodi,,,
Likh Leta hoon Kabhi Kabhi….

So,,, Kya likhun fir,,,soch hi raha tha ki,,,aisa laga jaisa dil kuch keh raha hai,,,,,thoda sunne ki koshish ki uski baat to kehta hai ki,,,,,,,

 

 

 

Likh do Dil ke armaano ko..
Likh do apni chahtein…
Likh do saare gam apne…
Tum likh do saari raahtein

Likh do har kisse ko
Likh do saari Kahaaniyan,,,
Lik do vo saath apna…
Likh do saari tanhayiaan,…

Har nazdiki likh do aaj tum
tum likh do saari  duriaan,,,
Un ghanto lambi baaton ko likh do…
Likh do,,,
Likh do saari khaamoshiyaan…

Rang saare apne mann ke
Bhar do kagaz pe aaj hi…
tum likh do har andhere ko,,,
likh do ,,, har roshni…

Likh do apna sab kuch
Likh do jo chupaate ho
Likh do apni hakeekat saari…
Likh do jo sapne sajaate  ho…

Main Kalam uthata soch kar
Ke likh doonga ye sabhi,,,
Kagaz pe tab likh pata hoon
Kagaz pe ta likh pata hoon…
Main TUMHARA NAAM hi
Main TUMHARA NAAM hi…

Kuch Baatein Adhoori,,,
Thodi Thodi,,,
Likh Leta hoon Kabhi Kabhi….